“Real” yulduzi uchta superklubdan taklif oldi

“Real” himoyachisi Rafael Varan yozda klubdan ketishni rejalashtirayotgani haqida xabarlar tarqalishi ortidan unga uchta klubdan qiziqish bildirildi.

“Qirollik klubi” bilan 2022 yilning yozigacha bitim imzolagan frantsiyalik futbolchi mavsum yakunlanishi bilan jamoasini o‘zgartirishga qaror qilgandi. Klub ham uni uzoq muddatli yangi shartnomaga ko‘ndirolmadi va yozda sotib yuboradigan bo‘ldi.

Ayni paytda 27 yoshli futbolchini “Manchester Yunayted”, “Yuventus” va “Chelsi” o‘z tarkibida ko‘rmoqchi.  Bu klublarning hammasi madridliklar talab qilayotgan 44 million funt miqdoridagi badal pulini to‘lashga tayyor. Da’vogar orasida manchesterliklarning imkoniyati yuqori baholanmoqda. MYu anchadan beri Varanni olishga harakat qilib keladi.