Reshford uchun yangi tovon puli ma'lum bo‘ldi

"Barselona" Markus Reşfordni 31 million evroga sotib olish variantidan voz kechganidan soʻng hujumchining kelajagi boʻyicha yangi maʼlumotlar paydo boʻldi.

Mirror nashrining xabar berishicha, endi 28 yoshli angliyalik futbolchini boshqa klublar 47 million evroga xarid qilishi mumkin.

Biroq bu shart Angliya Premier-ligasining ikki grandi — "Liverpul" va "Manchester Siti"ga taalluqli emas.

Ayni paytda Reşford Angliya terma jamoasi safida Jahon chempionatida ishtirok etmoqda. Manbaga koʻra, agar futbolchi Premier-ligada qoladigan boʻlsa, ehtimol bu faqat "Manchester Yunayted" tarkibida boʻladi.

Hujumchining manchesterliklar bilan amaldagi shartnomasi 2028 yil yozigacha hisoblangan.

Shu bilan birga, "qizil iblislar" Reşford sotilgan taqdirda uning oʻrniga "Vest Xem" qanot hujumchisi Krisensio Sammervillni olib kelish imkoniyatini koʻrib chiqmoqda. Niderlandiyalik futbolchining transfer qiymati qariyb 60 million evro deb baholanmoqda.