"Roma" hujumchisi Rossiya klubining taklifini o‘ylab o‘tirmay rad etdi
Bilolbek Imomov
Futbolchi 3 yillik shartnomadan bosh tortdi
"Roma" hujumchisi Temmi Abraxam Sankt-Peterburgning "Zenit" klubiga o‘tishdan bosh tortdi. Bu haqda insayder Nikolo Skira xabar berdi.
Avvalroq, "Zenit" Abraxam uchun 20 million evro taklif qilgani, futbolchiga esa 3 yillik shartnoma doirasida yiliga 5 million evro maosh taklif etilgani ma’lum bo‘lgan edi. Ammo angliyalik futbolchi ushbu taklifni rad etdi. U faoliyatini Evropa top-5 chempionatlaridan birida davom ettirmoqchi.
27 yoshli Forvard o‘tgan mavsumni "Milan"da ijara asosida o‘tkazib, A Seriyada 28 o‘yinda 3 gol urdi.
Rimliklar Temmidan tashqari, hamyurtimiz va milliy terma jamoamiz sardori hisoblangan Eldor Shomurodovni hamda Artyom Dovbikni qo‘yib yuborish haqida jiddiy o‘ylamoqda.
Izohlar (0)