Ronaldino Paragvayda qalbaki pasport bilan qo‘lga olindi

Braziliyalik mashhur futbol yulduzi Ronaldino qonun bilan bog‘liq jiddiy muammolarga duch keldi.

Goal.com nashri tarqatgan xabarga ko‘ra "Barselona"ning sobiq futbolchisi qalbaki hujjatlardan foydalangani uchun Paragvayda qo‘lga olingan. Politsiya Ronaldino bilan birga uning akasi Robertoni ham qo‘lga olgan.

Eslatib o‘tamiz, o‘tgan yil ekologiya zarar etkazgani uchun Ronaldinodan Braziliya pasporti olib qo‘yilgan va jinoiy ish ochilgan edi.