Ronaldo FIFAga katta pul to‘laydi

"Oltin to‘p" sovrini egasi, braziliyalik sobiq futbolchi Ronaldo "Kruzeyro" klubini sotib oldi.

Jamoaning yangi egasi FIFA oldidagi qarzlarni to‘lashi lozim. Bu haqda klub prezidenti Serxio Rodriges ma’lum qildi. Qarz miqdori esa, 7,7 million evroni tashkil etadi.

"Ronaldo "Kruzeyro"ning FIFA oldidagi qarzlarini to‘laydi. Jamoa futbol o‘ynashni davom ettirishi uchun buni amalga oshirishimiz lozim. Muxlislarga ijobiy natijalarni kafolatlash, futbolchilarga maosh to‘lash biz uchun muhim",-dedi Rodriges.

Ma’lumot uchun, "so‘yloq" Ispaniyaning "Real Valyadolid" jamoasi prezidenti ham hisoblanadi.