Sergeev jamoasi Tailand kubogini qo‘lga kiritdi

O‘zbekiston milliy terma jamoasi a’zosi Igor Sergeev "Patum Yunayted" bilan Tailand kubogi sohibiga aylandi. 

Mamlakat kubogi finali doirasidagi "Patum Yunayted" hamda "Muangtong Yunayted" jamoalari o‘rtasidagi bahs bo‘lib o‘tdi. Uchrashuv 1:0 hisobida patumiliklarning g‘alabasi bilan yakunlandi. Legionerimiz Igor Sergeev jarohati sabab o‘yinni o‘tkazib yubordi. 

Ma’lumot uchun, 31 yoshli hujumchi Osiyo kubogi 3-turidan o‘rin olgan Avstraliya va O‘zbekiston terma jamoalari o‘rtasidagi uchrashuvning ikkinchi bo‘limida jarohat olib maydonni tark etgandi va hali maydonga qaytmadi.