Seten: Uch ochko oldik, endi "Real"ni kuzatamiz

Kike Seten Ispaniya chempionati 31 turi doirasida "Atletik" bilan bo‘lib o‘tgan o‘yin haqida o‘z fikrlari bilan o‘rtoqlashdi.

"O‘yin oson bo‘lmadi, biroq bu o‘yinda g‘alaba qozonishimiz shart edi, chunki qancha kam xato qilsak, mavsum so‘nggida shuncha yaxshi bo‘ladi. Muhim uch ochkoni qo‘lga kiritdik, endi, "Real"ning o‘yinini kuzatamiz.

O‘z ustimizda Ko‘proq ishlashimiz, vaziyatlarni aniq yakunlashimiz va optimistik ruxda davom etishimiz kerak, ayni shu unsur mavsum restartidan keyin bizga bir qancha o‘yinlarda etishmadi", - deydi Seten.