Shaxrom Samiev: "Golimni "ziga-zaga" deb qo‘llab-quvvatlagan muxlislarimizga bag‘ishlayman"

“Andijon” Superliganing 5-turida Toshkentda “Lokomotiv”ni 1:2 hisobida mag‘lubiyatga uchratdi.

Uchrashuvda zaxiradan maydonga tushirilgan tojikistonlik hujumchi Shaxrom Samiev ikkinchi golga muallifilik qildi va chempionatimizdagi gollari hisobini ochdi. Futbolchi “Andijon” matbuot xizmatiga o‘z fikrlarini aytib o‘tdi.

- Shaxrom, “Lokomotiv”ga qarshi bahs to‘g‘risida nima deya olasiz?

- O‘yin yaxshi va emotsiyalarga boy tarzda o‘tdi. Jamoadoshlarimga rahmat, oxirigacha hisobni ushlab turishdi va muxlislarga katta raxmat. Ular eng zo‘ri!

- “Andijon” safidagi birinchi golingizni urdingiz. Hissiyotlar qanday?

- G‘alabadan juda mamnunman. Jamoaning yutuqlariga o‘z hissamni qo‘shganimdan xursandman va bizda ahil bir oila mujassam.

- Zaxiradan maydonga tushib o‘yinni kuchaytirishda hissa qo‘shyapsiz va gol uryapsiz. Sizni “yashirin qurol” deb atasak bo‘ladimi?

- Nima desam ekan, men doim jamoaga yordam berishga tayyorman. Asosiy tarkibdami yo zaxiradanmi, farqi yo‘q. Yashirin qurol xaqida xech narsa deya olmayman (kuladi).

- Golingizni kimga bag‘ishladingiz?

- Golni bizni “ziga zaga”, “olg‘a “Andijon”, deb qo‘llab-quvvatlagan muxlislarimizga bag‘ishlayman.

“Andijon” matbuot xizmati.