УзФПЛ раҳбари: "Насаф", "Бунёдкор" ва "Бухоро"нинг ҳомийсини йўқотиши - муқаррар кутилган кун эди"

УзФПЛ раҳбари Диёр Имомхўжаев Ўзбекистон Миллий ахборот агентлиги билан бўлган интервьюда Суперлигадаги айрим жамоаларнинг ҳомийсини йўқотгани ҳақида ўз фикрлари билан ўртоқлашди. 
 
— "Насаф", "Бунёдкор" ва "Бухоро" ҳомийсини йўқотди. Бу Лига учун муаммо эмасми? 
 
— Бу муқаррар кутилган кун эди. Бекободда бошланган муаммо бошқа клубларда ҳам бўлишини айтганман. 2020 йилда бизда ҳам пул йўқ эди, лекин ишладик. Бу мавсумда қанча янгиликлар тайёрлаб қўйганмиз, лекин шундай муаммолар ҳам бор. Давлат улуши бор корхоналарга боғланган ҳамма клубда муаммо бор. Давлат тартибга келтирмоқчи, "ўлиб кетсин" демаяпти. Ариқларни тозалаш керак, шунда сув яхши оқади. Ўзбек футболи ҳамманинг кўзига пул ейдиган нарса бўлиб кўринди, лекин биз тўғри ишласа натижа бўлишини исботладик.