Shohjahon Ergashev "Salita Promotions"ga qaytadimi?

Xabaringiz bor, professional bokschimiz Shohjahon Ergashev Dimitriy Salitaga tegishli bo‘lgan, "Salita Promotions" bilan hamkorlik qilar edi. Biroq, keyinchalik ular orasida biroz kelishmovchilik yuzaga kelib, ushbu muammo sudgacha etib borgandi. Nazarimizda bokschimiz ushbu jarayondan zerikkan shekilli, o‘z Instagram sahifasiga quyidagi izohni yozib qoldirdi. 

- Salita Promotions bo‘lar endi, keling tezlashaylik va o‘z qobiliyatlarimni butun dunyoga ko‘rsatishim uchun kelishib olaylik. Ishonchim komilki, siz mening salohiyatimni bilasiz. Otam mendan borgan sari Chempionlik kamarini tezlashtirishimni talab qilmoqda. Bilasizmi, otamning so‘zi qonun, uning tilaklari mening ustuvorligimdir. Xo‘sh, kelishamizmi?