Shohjahon Ergashevning raqibi Toshkentga etib keldi (foto)

Xabaringiz bor, 11 iyun kuni poytaxtimizdagi "Yunusobod" sport majmuasida professional boks oqshomi bo‘lib o‘tadi. Kechaning asosiy jangida super engil vazn (63,5 kg) toifasida o‘z janglarini o‘tkazadigan hamyurtimiz Shohjahon Ergashev Salimu Jengoga qarshi ringga ko‘tariladi.

Bir necha kun oldin hamyurtimiz mazkur to‘qnashuvda ishtirok etish uchun poytaxtimizga etib kelgandi. Endi uning tanzaniyalik raqibi ham Toshkentda kutib olindi.

Ma’lumot uchun, Ergashevning professional boksdagi rekordi 19-0, 17 KO ni tashkil etadi. Jengoning natijasi esa, 16-3, 10 KO.