
Shomurodovning do‘sti futboldan ketishni e’lon qildi
“Roma”ning 36 yoshli futbolchisi Mats Xummels joriy mavsum yakunlanishi bilan professional futbolchilik faoliyatini yakunlashini e’lon qildi.
- Tamom. Bu qanday sayohat bo‘ldi! Rahmat, - deb yozdi jahon chempioni Mast Xummels ijtimoiy tarmoqdagi sahifasiga.
Xummels Germaniya futboli bayroqdori “Bavariya” tarbiyalanuvchisi hisoblanadi. Myunxen klubida tashqari Dortmundning “Borussiya” jamoasida ham to‘p tepgan. U har ikki nemis klubi bilan Germaniya chempionatida g‘olib chiqqan kam sonlik futbolchilardan.
O‘tgan yili yozda tajribali himoyachi dortmundliklar bilan shartnomasi tugaganidan keyin ma’lum muddat ishsiz qoldi.
Vaziyatdan foydalangan “Roma” 4 sentyabr kuni Xummelsni o‘z safiga qo‘shib oldi. Mats Rimga kelganidan beri barcha turnirlarda 18 ta uchrashuv o‘tkazib, bitta gol urishga ham muvaffaq bo‘ldi.
Mats Xummels 2014 yili Germaniya terma jamoasi safida jahon chempioni bo‘lgan. Xalqaro miqyosda 78 ta uchrashuvda qatnashib, himoyadagi vazifalarini uddalashdan tashqari raqiblar darvozasiga beshta to‘p ham kiritgan.
Fikrlar