"Siti" "Real"ni ishonch bilan engib chorak finalga yo‘l oldi

UEFA Chempionlar Ligasi nimchorak final javob uchrashuvlari doirasidagi "Manchester Siti" - "Real" bahsi o‘z yakuniga etdi. Unda maydon egalari 2-1 hisobida g‘alaba qozondi va keyingi bosqich masalasini hal qildi.

Endi Gvardiola shogirdlari chorak finalda "Lion"ga qarshi kurash olib boradi.

• 90'
  

  Учрашув якунланди! "Манчестер Сити" турнир тарихида энг кўп чемпионликни қўлга киритган "Реал"ни мағлуб этиб, чорак финалга йўл олди. Матнли трансляцияни Абдулвосид Валихонов олиб борди.

• 90'

  "Сити" вақтдан ютиш учун ўйнамоқда.

• 90'
  

  Учрашув асосий вақтига 4 дақиқа қўшиб берилди.

• 89'
  

  Отаменди Родри ўрнига майдонга тушди.

• 86'

  Силванинг зарбаси бироз ноаниқ бўлди.

• 85'

  Де Брюйне жарима майдонига яқин жойда йиқитилди. Хавфли стандард.

• 83'
  

  Васкес, Йович, Валверде майдонга тушди. Азар, Модрич ва Карвахаль захирадан ўрин олди.

• 81'
  

  Стерлинг ўз ўрнини Давид Силвага бўшатиб берди.

• 80'
  

  Модрич майдон марказида Де Брюйнени тўхтатиб қолгани учун огоҳлантирилди.

• 77'

  "Сити" эрта прессингдан воз кечгандек. "Реал" жарима майдони ёнигача келди.

• 75'

  "Реал" ҳимояси хато қилишдан тўхтамаяпти.  Сал бўлмаса, яна бир гол қабул қилиб олар эди.

• 72'

  Стерлинг жарима майдони ичида йиқилиб тушди. Ҳакам ҳам шу фикрда.

• 70'

  Аммо бир жиҳатдан "Реал"да кўп нарса ўзгармади. Вазифа битта - улар иккита гол уришлари керак.

• 68'

  ГООООООООООООООООЛЛЛЛЛЛЛ!!! Ана холоооооосссс!!! Варан яна бир марта "қовун туширди".  Ҳимоячи боши билан тўпни дарвозабонга ташлаб беришни мақсад қилганди. Аммо унинг мақсадини Жезус пайқаб қолди. 2:1 "Сити" бир оёғи билан чорак финалда.

• 67'
  

  Фоден ўрнига Бернарду Силва майдонда ҳаракат қилади.

• 66'
  

  Де Брюйненинг бурчакдан узатган тўпи ҳимоячилар омонидан осонлик билан қайтарилди.

• 64'

  Бенземанинг жарима майдони ташқарисидан йўллаган навбатдаги зарбаси кучсиз чиқди.

• 63'

  Кросс "Ман Сити" футболчиларидан тўпни олиб қўйиб, Бенземага узатди. Франциялик эса бир футболчини ортда қолдириб, зарба берди. Ўша ҳимоячи тўп йўлига ташланишга улгурди.

• 62'
  

  Родриго ўрнига Асенсио майдонга тушди.

• 61'

  Де Брюйне ўнгдан жарима майдонига тўпни узатди. Бироқ ичкарида унинг узатмасига "лаббай" дегувчи йўқ эди.

• 60'

  "Сити"нинг кесувчи паслари ҳимоячилар томонидан ўқиляпти.

• 57'

  Де Брюйне яхши позицияга очилиб бориб, чалғитувчи ҳаракат билан Милитаони доғда қолдирди. Карвахаль эса алданмади. У тўпни майдон ташқарисига чиқариб юборди.

• 55'

  Бензема кутилмаганда чапдан рейд уюштириб, дарвозага зарба йўллади. Тўп дарвоза устидан ўтиб кетди.

• 54'

  "Сити"нинг ўта хавфли ҳужуми бесамар кетди. Ҳужумчилар чўзиб юборишди.

• 53'

  Кросс узоқ масофдан зарба берди. Тўп эса ҳимоячиларга тегиб қайтди.

• 51'

  Милитао анча муддат тўпни ўзида ушлаб қолди. "Реал" бахтига тўпдан жамоаси фойдасига қутула олди. Акс ҳолда, яна бир хавфли вазият Куртуа дарвозасини мўлжалга оларди.

• 48'
  

  Де Брюйне яна бурчакдан тўпни тўғри дарвозага тепди. Куртуа қийинчилик билан қайтаришга эришди.

• 47'

  Де Брюйненинг заргарона пасидан сўнг Стерлинг дарвозага зарба йўллади. Яқин бурчакдан жой олиши мумкин бўлган тўпни Куртуа қайтарди.

• 46'

  Стерлинг товони билан жарима майдонига кириб кетаётган Канселуни тўп билан таъминлади. Унинг узатмаси эса ўхшамади.

• 46'
  

  Иккинчи тайм бошланди. 

• 45'
  

  Танаффус.  15 дақиқа дам олишга мажбурмиз.

• 45'
  

  Биринчи таймга бир дақиқа қўшиб берилди.

• 45'
  

  Де Брюйне бурчакдан тўғри дарвозани нишонга олди. Куртуа қаҳрамон. 

• 44'

  Бензема Эдерсон дарвозасига ажойиб зарба берди. Уннга тўп етказиб берилаётган пайтда офсайдда бўлган экан.

• 43'

  "Сити"нинг қарши ҳужуми Стерлингнинг ноаниқ паси сабаб барбод бўлди. Қулай имконият кўкка совурилди.

• 42'

  Куртуанинг тўпни олдириб қўйишидан сўнг Де Брюйне тўпни Фоденга етказиб берди. Англиялик футболчининг айланиб олиб берган зарбаси анчагина хавфли чиқди.

• 39'

  Де Брюйне жарима майдончаси яқинида йиқитилди. Брих эса буни кўрмади.

• 37'
  

  "Сити"нинг рақибдан майдон марказида тўпни олиб қўйиб амалга оширган ҳужуми Канселунинг хавфли зарбаси билан тугади. Куртуадан ажойиб сейв.

• 34'
  

  "Реал"нинг ҳужуми хавфли тус олиши мумкин эди. Аммо Бензема офсайдда қолиб кетган экан.

• 32'

  Уокернинг ўз яриммайдонидан бошлаган рейди рақиб жарима майдонига яқин жойдаги зарбаси билан якунланди. Зарба анча ноаниқ.

• 28'
  

  ГОООООООООООООООЛЛЛЛЛЛЛЛЛЛЛ!!! Родригонинг ўнг қанотдаги фаоллигидан сўнг амалга оширган узатмаси Бензема томонидан бош билан "Сити" дарвозасига жойланди.

• 27'

  "Сити" "Реал"ни прессингда яхши ушламоқда.

• 24'

  Майдон марказида Жезус Родригога нисбатан қоидани бузди.

• 22'
  

  Биринчи бурчак зарбаси навбатдаги корнерга сабаб бўлди. Уни комбинацион ижро этган" Реал" ҳужуми Родригонинг узоқдан йўллаган зарбаси билан якунланди.

• 21'
  

  Бензема Азарнинг узатмасидан сўнг айланиб олиб, дарвозага зарба йўллади. Эдерсон вазият қаҳрамони.

• 20'

  "Реал"нинг ҳужумлари "шаҳарликлар" ҳимоячиларига қийинчилик туғдирмаяпти.

• 18'

  Стерлинг бир ўзи жарима майдонига кириб борди. Зарба йўлини ҳимоячи тўсиб қолди. Раҳим йиқилиб, пенальти сўрамоқда. Йўқ, ҳаммаси жойида. Ўйинни давом эттириш керак.

• 18'

  Родригонинг жарима майдони марказига анча узоқдан оширган тўпига Эдерсон ўз вақтида чиқиб келди.

• 16'

  Стерлинг тўпни қабул қилиб, вариант топа олмагач, дарвоза томон тепди. Тўп дарвоза тўрига тепа тарафдан тегди.

• 15'

  Модричнинг ҳужумчиларга узатган ажойиб пасини Фернандиньо ўқиди.

• 14'

  "Реал" ҳимояси ўз дарвозаси олдида тўп узатишни тўхтатмаса бўлмайди. Сал қолса, Милитао яна бир гол антиқаҳрамонига айланарди.

• 12'

  "Реал" жарима майдони ичида "Сити" пала-партишлик юзага келтирди. Кетма-кет зарбалар ҳимоячиларга тегиб қайтди.

• 9'
  

  ГОООООООООООООООООЛЛЛЛЛЛЛЛЛЛЛЛ!!! "Реал" ҳимоясидаги қўпол хатодан манчестерликлар унумли фойдаланиб кетишди. Жезус Варандан тўпни олиб қўйди ва Стерлингга тўпни узатди. Раҳим бўш қолган дарвозани ҳотиржам ишғол этди.

• 7'
  

  Кевиннинг бурчакдан узатган тўпи ҳеч кимга насиб этмади. "Сити" янгитдан ҳужум ташкил қилиши лозим.

• 7'

  Де Брюйненинг олис масофадан берган зарбаси ҳимоячилардан бирига тегиб, майдонни тарк этди.

• 5'

  Ҳар икки жамоа ўта эҳтиёткор футбол намойиш этмоқда.

• 3'

  Де Брюйненинг узатмаси тушунарсиз чиқди. Жезус тўпга ета олмаслиги аниқ эди.

• 1'

  Дастлабки дақиқада "Реал" ҳимояда тўпни ушлаб турибди. Кутилмаган ҳолат.

• 1'
  

  Ўйин бошланди! Ҳала Мадрид!!! Олға Сити!!!

• 0'

  УЕФА миқёсидаги турнирларда барча учрашувлар коронавирус қурбонлари хотирасига бир дақиқалик сукут билан бошланмоқда.

• 0'

  Бугунги беллашувни Феликс Брих бошчилигидаги ҳакамлар бригадаси бошқариб боради.

• 0'

  Жамоалар майдонга тушиб келишмоқда.

• 0'

  Ассалому алайкум, қадрли дўстлар! Барчангизни УЕФА Чемпионлар Лигаси нимчорак финал жавоб баҳси, "Манчестер Сити" - "Реал" ўйинига таклиф этамиз.