“Siti” yulduzi boshqa ligadan rad etib bo‘lmaydigan taklif oldi

“Manchester Siti” pleymeykeri Kevin de Bryuyne Angliya Premer-ligasida eng katta maosh olayotgan futbolchilardan hisoblanadi.

Shunga qaramay, belgiyalik yarim himoyachi mavsum yakunlanganidan keyin klubni tark etishi kelishilgan.

Ayni paytda 33 yoshli o‘yinchi faoliyatini qaerda davom ettirish bo‘yicha bir qarorga kelishi kerak. The Times nashrining ma’lum qilishicha, Joze Mourino boshqarayotgan “Fenerbahche” Kevinga APL darajasida maosh to‘lashga tayyor.

Agar de Bryuyne Turkiyaga kelsa, “Fenerbahche” soliqlardan tashqari o‘yinchining qo‘liga har hafta 250 ming funt tegadigan qilib, mehnat haqi ajratishini bildirdi. Bu haqida nufuzli The Times nashri xabar tarqatdi.

Kevin de Bryuyne oldida AQSh va Saudiya Arabistoni varianti ham bor.