Skoulz: "MYu bu mavsumni kuchli o‘nlikda yakunlaydi"
Sobiq futbolchi jamoasining so‘nggi o‘yinlardagi natijasini ham esladi
"Manchester Yunayted" afsonasi Pol Skoulz jamoaning joriy mavsumdagi imkoniyatlari haqida fikr bildirdi. Uning fikricha, "qizil iblislar" kuchli o‘nlikdan joy olishi mumkin.
"Menimcha, MYu top-10da bo‘ladi. Mavsum yaxshi boshlanmadi. Ular ikki o‘yinni ketma-ket yutolmayapti. Nazariy jihatdan yaxshiroq natijaga erishishlari mumkin, ammo hozir bu juda ham ehtimoldan yiroq", — dedi Skoulz "The Good, The Bad & The Football" podkastida.
Shuningdek, sobiq yarim himoyachidan o‘z vaqtidagi jamoadoshlaridan kimni hozirgi tarkibga qo‘shishi haqida ham so‘rashdi:
"Men Rayan Giggzni tanlardim. Hozirgi MYuga biroz tomoshaboplik etishmayapti. Giggz esa odamlarni, muxlislarni va atrofidagi futbolchilarni ruhlantirardi", — dedi Skoulz.
Izohlar (0)