Slot: "Bizda juda katta tarkib yo‘q"

"Liverpul" Angliya liga Kubogi 1/8 finalida "Kristal Pelas"ga qarshi bahsda (0:3) yirik mag‘lubiyatga uchradi.

Mersisaydliklar bosh murabbiyi Arne Slot so‘nggi "Brentford" (2:3)ga qarshi o‘yindagi tarkibdan 10 ta o‘zgarish kiritdi.

"Oxirgi safar Liga kubogida "Sautgempton"ga qarshi o‘ynaganimizda Jovanni Leoni jarohat olgan edi.

Aslida bizda tarkib unchalik katta emas. Ko‘pchilik yozda sarflangan mablag‘larga e’tibor qaratdi, ammo bu – butun holatni to‘liq aks ettirmaydi.

Odamlar bizda 25 nafar futbolchi bor deb o‘ylashadi, lekin aslida jamoada faqat 20 nafar sog‘ futbolchi bor, shulardan to‘rt nafari jarohatlangan", — dedi "Liverpul" bosh murabbiyi Arne Slot.