Sobiq futbolchi "Real"ga 31 yoshli futbolchini sotib olishni maslahat berdi

O‘tmishda mashhur bo‘lgan futbolchi Klod Makelele "Real"ga 31 yoshli futbolchini o‘z safiga qo‘shib olishni maslahat berdi. Gap PSJ himoyachisi Markinos haqida ketmoqda.

- Men doim Markinosni "Real"da ko‘rishni istardim. Bu yigitni juda yaxshi ko‘raman. Men Anchelotti shtabida bo‘lganimda u bilan PSJda ishlaganman. Uning sifati, mehnatsevarligi, ishtiyoqi, sabr-toqati... U aql bovar qilmaydigan darajada taraqqiy etdi.

- Albatta, hozir u PSJ safida dunyoning eng yaxshi jamoasida o‘ynamoqda. Ammo bu aynan men "Real"da ko‘rishni istagan futbolchi. Markinos juda aqlli. Hozir yakkama-yakka o‘ynay oladigan himoyachilarni ko‘p ko‘rmayapman. U esa shunday qiladi. Men uchun Markinos orzudagi futbolchi, agar "Real" yanada kuchliroq bo‘lishni istasa. Ammo PSJ uni qo‘yib yubormaydi, deb o‘ylayman, - dedi Makelele.

Markinosning PSJ bilan shartnomasi 2028 yilning yarmigacha mo‘ljallangan.