"So‘g‘diyona" Shoxruz Norxonovning dubli evaziga Tojikiston chempionini mag‘lub etdi. Tarkibga sobiq futbolchi qaytdi

Xabaringiz bo‘lsa, Tojikistonning birinchi raqamli jamoasi – “Istiqlol” ayni paytda Toshkentda o‘quv-mashg‘ulot yig‘inlarini o‘tkazyapti. Ular dastlabki o‘rtoqlik uchrashuvini “Metallurg”ga qarshi o‘tkazib 1:0 hisobida g‘alaba qozongani haqida xabar bergandik.

Rejaga ko‘ra, Vitaliy Levchenko boshchiligidagi “Istiqlol” ikkinchi o‘yinni  “So‘g‘diyona” jamoasi bilan o‘tkazdi. Ushbu uchrashuvda jizzaxliklarning etakchisi Shoxruz Norxonovnnig 52 va 58-daqiqalarda kiritgan ikkita goli “So‘g‘diyona”ning 2:0 hisobidagi g‘alabasini ta’minladi.

Shuningdek, “So‘g‘diyona” tarkibiga birinchi davrani “Turon”da o‘tkazgan hujumchi Jasur Hakimov qaytib keldi. Boisi, ilgari ham ushbu o‘yinchi jizzaxliklar sharafini himoya qilgan.

“So‘g‘diyona”: Milan Mitrovich, Luka Chermel, Shaxboz Jo‘rabekov, Iskandar Shoyqulov, Jasur Hasanov, Shohruz Norxonov, Sardor Qulmatov, Daniel Nasriddinov, Javohir Qahramonov, Arslanmurat Amanov, Marko Kolakovich.

Zaxira: Shirinboy Abdullaev, Bahodir Nasimov, Sahob  Rashidov, Jamshid Boltaboev, Nodir Qo‘yboqov, Ergash Ismoilov, Asil Begimqulov, Jasur Hakimov.

“Istiqlol”: Muxriddin Hasanov, Manuchexr Safarov, Aleksey Larin, Aleksandr Kucherenko, Axtam Nazarov, Vaxdat Xanonov (Daler Emomnazarov, 70), Amirbek Jo‘raboev, Islom Zoirov, Alisher Jalilov, Shervoni Mabatshoev, Vadim Yavorskiy (Rustam Soirov, 55).

”Istiqlol” klubi navbatdagi o‘rtoqlik uchrashuvini 24 iyul kuni “Lokomotiv”ga qarshi o‘tkazadi.