Ter Shtegen "Barselona" sardorligidan mahrum etildi

"Barselona" rahbariyati klub posboni Mark-Andre ter Shtegenni sardorlikdan ozod qilishga qaror qildi. Bu haqda "3Cat" nashri xabar tarqatdi. Ma’lumotlarga ko‘ra, bosh murabbiy Xans-Diter Flik yaqin kunlarda jamoaga yangi sardor tayinlashi kerak bo‘ladi.

Bunday qaror nemis darvozabonining jarohatiga oid tibbiy xulosani imzolashdan bosh tortgani ortidan qabul qilindi. Mazkur xulosa La Liganing maxsus komissiyasiga taqdim etilishi zarur edi.

Klub bu holat yuzasidan Ter Shtegenga nisbatan intizomiy ish ochishga qaror qilgan. Rahbariyat fikricha, bu kabi nizoli vaziyatda futbolchi jamoaning rasmiy yuzasi bo‘lib qolishi mumkin emas.