Toshkentda penchak silat bo‘yicha O‘rta Osiyo chempionati o‘tkaziladi

Poytaxtimizda joylashgan "Jangox" sport arenasida O‘zbekiston Respublikasi Jismoniy tarbiya va sport vazirligi, mamlakatimiz pechak silat federatsiyasi tomonidan O‘rta Osiyo ochiq chempionati o‘tkaziladi.

Penchak silat bo‘yicha o‘tadigan chempionatda Rossiya, Ozarbayjon, Qozog‘iston, Qirg‘iziston, Turkiya, Tojikiston va Turkmanistondan kelgan 150 nafarga yaqin sportchilar bilan birga O‘zbekiston terma jamoasi a’zolari ham g‘oliblik uchun kuch sinashadilar.

Musobaqaning ochilish marosimi 30 mart kuni soat 14:00 da bo‘lib o‘tadi. Unda Qozog‘iston, Qirg‘iziston va O‘zbekiston estrada yulduzlari ishtirokida katta kontsert dasturi bo‘lib o‘tadi.