Toshkentda yana bir nufuzli jang kechasi tashkil qilinadi

Toshkent shahri yana bir katta jang kechasiga mezbonlik qiladi. Ya’ni, K-1 yo‘nalishi bo‘yicha “Toshkent Open” turniri o‘tkaziladi. Ushbu musobaqa 22-24 yanvarga qadar o‘tkaziladi. 22-23 yanvar kunlari havaskorlar o‘rtasida, 24 yanvar kuni professional ishtirokida janglar o‘tkaziladi.

O‘zbekiston K-1 federatsiyasi rahbari Jasur Ne’matovning saytimizga ma’lum qilishicha, ushbu turnirda yurtimizning ko‘zga ko‘ringan K-1 ustalari va ba’zi xorijda o‘z janglarini o‘tkazayotgan yurtdoshlarimiz ham ishtirok etishi mumkin.

Bu borada tez orada batafsil ma’lumot beramiz. Voqealar rivojini bizda kuzatib boring!