"Tottenxem" Madrid klubi yarim himoyachisini oʻz safiga qoʻshib oldi

 "Atletiko Madrid" a’zosi Konor Gallaher Angliya Premier-ligasiga qaytdi. 25 yoshli futbolchi "Tottenxem" bilan 2031 yilgacha shartnoma imzoladi. Transfer "shporlar" uchun 40 million yevroga tushdi. Angliyalik havbek London klubiga o‘tishi haqida o‘z fikrlarini bildirdi.

"Men bu yerda ekanligimdan juda xursandman va hayajondaman. Bu men uchun juda katta ahamiyatga ega. Bu klubning qanchalik buyukligini, uning ajoyib muxlislari borligini va klub bilan bog‘liq boshqa narsalarni bilaman. Shunchaki uning bir qismi bo‘lganimdan juda xursandman.

Transfer juda tez amalga oshdi, bu juda zo‘r edi, chunki bu men xohlagan narsa edi. "Tottenxem" futbolchisi bo‘lishni istadim. Yaxshiyamki, klub mening his-tuyg‘ularimga sherik edi. Natijada hammasi juda oson va tez o‘tdi.

Faoliyatimda yaxshi tajribaga egaman - endi 25 yoshda bo‘lsam ham. Endi menda ajoyib tajriba borligini his qilyapman, bu ajoyib va men faoliyatimdagi keyingi qadamni qo‘yganimdan juda xursandman. Hozirda qat’iyatdaman, Premier-ligadan tashqari bir yarim yildan so‘ng bu ajoyib klubga qaytdim. Klubga foyda keltirishni, uning muvaffaqiyati va o‘sishiga erishishni, bunda muhim rol o‘ynashni juda xohlayman. Buning uchun qo‘limdan kelgan hamma ishni qilishim, qo‘limdan kelgancha mehnat qilishim kerak.

Yanada oldinga siljish va ushbu ajoyib klubning bir qismi bo‘lish imkoniyatidan juda xursandman va umid qilamanki, biz birgalikda ko‘plab o‘ziga xos xotiralar va lahzalarni yaratamiz. Men muxlislarga nimlarga qodirligimni ko‘rsatish imkoniyatiga ega bo‘lganimdan juda mamnunman. Umid qilamanki, "Tottenxem" uchun zo‘r futbolchi bo‘la olaman. Men hoziroq maydonga tushishga tayyorman", - deya Gallahernig so‘zlarini keltiradi klub rasmiy sayti.

Ma’lumot o‘rnida, Konor "Chelsi" tarbiyalanuvchisi hisoblanadi.