U “Real”dan ketdi

“Valensiya” rahbariyati “Real” hujumchisi Borxa Mayoral transferini ijobiy hal qildi.

Madridliklar asosiy tarkibga kira olmagan 23 yoshli futbolchi uchun 15 million evro oladigan bo‘ldi. “Valensiya” Borxa transferi uchun kerakli mablag‘ni topish maqsadida Rodrigo yoki Kevin Gameyroni transferga qo‘yadi.

Borxa oxirgi ikki mavsumni “Levante” jamoasida ijarada o‘tkazdi va jami 63 ta uchrashuvda maydonga tushib 11 ta gol urdi.  Albatta, bu ko‘rsatkich Zinedin Zidandan chaqiruv olish uchun etarli bo‘lmadi.