Vadim Abramov: Tanaffusga yaxshi kayfiyatda yo‘l olyapmiz

“Metallurg” – jiddiy raqib. Shuni inobatga olgan holda mazkur bahsga jiddiy hozirlik olib borgan edik. Agar yutqazsak, musobaqa jadvalida pastga tushib ketishimiz mumkin edi. Zero musobaqa jadvalida jamoalar ancha yaqin joylashgan.

Lekin biz bugungi bahsni o‘z foydamizga hal eta oldik. Raqibdan ustun ekanimizni namoyish etdik. Buning uchun yigitlardan juda ham minnatdorman. Ana endi chempionatda qisqa tanaffus yuzaga keladi. Tanaffusga yaxshi kayfiyatda yo‘l olyapmiz", - deb Abramovning so‘zlarini keltirib o‘tdi PFL rasmiy sayti.