"Valensiya" futbolchilari ham rozi bo‘lishdi

"Valensiya" klub futbolchilari bilan moliyaviy yo‘qotishlarni engillashtirish maqsadida maoshlarni qisqartishi bo‘yicha kelishuvga erishdi.

Unga ko‘ra, agar joriy mavsum yakunlanmaydigan bo‘lsa futbolchilarning 18 foiz maoshlari ushlab qolinadi. Agar bahslar yopiq eshiklar ortida davom ettiriladigan bo‘lsa, unda ushbu raqam to‘qqizni tashkil qiladi.

Marca nashri ma’lumotiga ko‘ra, maoshlar qisqaruvi klubning barcha a’zolari, murabbiylar shtabi va prezident Anila Murtiga ham tegishli bo‘ladi.