Valverde: "Barselona" prezidenti menga ishonadi

Kataloniyaning "Barselona" klubi bosh murabbiyi Ernesto Valverde jamoa prezidenti Xosep Bartomeu uni qo‘llab-quvvatlashini aytdi.

“Men Bartomeu bilan gaplashdim va uning xuddi klubdagilar kabi menga ishonchini sezdim.

Bunday natijalardan so‘ng ko‘plab mish-mishlar bo‘lishini tushunaman. Ammo, biz vaziyatga yosh bolalarcha munosabat bildirmasligimiz kerak”, - deydi ispaniyalik mutaxassis.

Eslatib o‘tamiz, Valverde boshchiligidagi jamoa bu mavsum La Ligada chempionlikni qo‘lga kiritdi, bundan tashqari Ispaniya kubogi finaliga chiqdi. Biroq, EChL yarim finalida “Liverpul”ga imkoniyatni boy berdi.