Viktor Kumikov Qozog‘iston chempionatidagi yangi mavsumni omadsiz boshladi

Qozog‘istonda ham yangi futbol mavsumi boshlandi. Qozoq premer-ligasida o‘zbek futboliga yaxshi tanish bo‘lgan futbol kishilari ishlashmoqda.

Jumladan, o‘tgan yili “Andijon”ni pro ligadan Superligaga olib chiqqan rossiyalik mutaxassis Viktor Kumikov “Qaysar” bosh murabbiyi sifatida ish boshlaganidan xabardorsiz.

Viktor Balyutovich yangi klubidagi debyut o‘yinini o‘z maydonida “Qizil-Jar”ga qarshi o‘tkazdi. Rafael Sabino dos Santosning 18-daqiqada kiritgan goli “Qizil-Jar”ga safarda o‘ta muhim g‘alabani keltirdi.

Shu tariqa, Viktor Kumikov “Qaysar” klubidagi debyutini mag‘lubiyat bilan boshladi. Darvoqe, “Qaysar” safida “Andijon”ning sobiq legionerlari – Vasiliy Sovpel va Goron Miloyko o‘yinni to‘liq o‘tkazdilar.