Vlahovich «Beshiktoш» taklifini ko‘rib chiqishga tayyor

«Beshiktaş» serbiyalik hujumchi Dušan Vlahoviçga har mavsum uchun 10 million yevro maosh taklif qilmoqda. Bu haqida Football Italia nashri xabar berdi.

30 iyundan boshlab Vlahoviç «Yuventus» bilan shartnomasi tugagani sababli erkin agent maqomida qolmoqda. U avvaliga A Seriyasi, Angliya premyer-ligasi va La Ligadagi yetakchi jamoalardan taklif olishga umid qilgan, ammo bu liga klublaridan jiddiy qiziqish kuzatilmadi.

Shuningdek, maoshini qisqartirgan holda yana «Yuventus»ga qaytish varianti ham ko‘rib chiqilgan edi. Biroq turinliklar Randal Kolo-Muani va Kerim Alaybegovichni sotib olgandan so‘ng, bu g‘oya amalda deyarli yo‘qqa chiqqan ko‘rinadi.

Maoshdan tashqari, «Beshiktaş» Vlahoviçga shartnoma imzolash uchun yirik bir martalik bonus va futbolchi agentiga komissiya to‘lashni ham taklif qilmoqda. Istanbul klubi serbiyalik forvarddan kamida kelasi hafta oxiriga qadar aniq javob olishni rejalashtirgan.

Muzokaralarda yana bir muhim omil — «Beshiktaş» bosh murabbiyi Vinsentso Italyano shaxsi. U avval «Fiorentina»da Vlahoviç bilan birga ishlagan va aynan o‘sha davrda serbiyalik hujumchi o‘z karerasining eng muvaffaqiyatli mavsumlaridan birini o‘tkazgan edi.