Xarri Keyn "Bavariya"da Levandovski rekordiga tenglashdi

Harri Keyn joriy mavsumda "Bavariya" safida 55 ta gol urdi.

Angliyalik hujumchi shu tariqa hozirda "Barselona"da to‘p surayotgan Robert Levandovskining rekordini takrorladi. Polshalik forvard 2019/20 yilgi mavsumda ham 55 ta gol urgan edi.

Keynning gollari quyidagicha taqsimlangan:
— 33 ta gol Bundesligada;
— 14 ta gol Chempionlar ligasida;
— 7 ta gol Germaniya Kubogida;
— 1 ta gol Germaniya Superkubogida.

Hujumchida rekordni yangilash uchun yana uchta o‘yin bor. "Bavariya" oldida Bundesliganing ikki turi va Germaniya Kubogi finali qolgan.