Xavi: Menga bu yulduz kerakmas!

“Inter” hujumchisi Aleksis Sanches tez orada “Barselona”ga ko‘chib o‘tishi haqida xabarlar tarqatilgan edi.

Marca nashrining xabariga ko‘ra, kataloniyaliklar bosh murabbiyi Xavi bu xabarga raddiya bergan. Ispaniyalik mutaxassis chililik hujumchining xizmatlariga qiziqayotgani yo‘qligini bildirdi.

Avvalroq, xorij nashrlari “Barselona” murabbiylar shtabi “Sevilya”dan ijaraga olingan hujumchi Lyuka de Yong uch tomonlama kelishuv asosida “Inter”ga jo‘natilib, uning o‘rniga Aleksis Sanchesni olib kelishi aytilgandi.

Aleksis Milan klubida 2020 yildan beri to‘p tepmoqda. Joriy mavsumda 10 ta uchrashuvda qatnashgan futbolchi bitta gol va uchta golli pas muallifi bo‘ldi.