Xavi yulduz futbolchini "Barsa"ga o‘tishga ko‘ndirdi

Xavi Robert Levandovskini "Barselona"ga o‘tishga undagan. Bu haqda jurnalist Matteo Moretto xabar berdi.

Ma’lum bo‘lishicha, kataloniyaliklar bosh murabbiyi polshalikka o‘zi qurmoqchi bo‘lgan loyihaning mohiyatini tushuntirib bergan. 

Robert "ko‘k-anorranglilar" safiga o‘tishga rozilik bergan, lekin hozircha futbolchi va klub o‘rtasida hech qanday kelishuv yo‘q. 

33 yoshli goleador joriy mavsum Bundesligada 29 o‘yinda maydonga tushib, 32 ta gol urdi va 1 ta golli uzatma muallifiga aylandi.