Xaviga Xolandni olib berishmoqchi

“Borussiya” to‘purari Erling Xoland yozda eng bozori chaqqon futbolchiga aylanadi. Norvegiyalik hujumchiga ko‘z tikkan jamoalar soni ortib bormoqda.

“Barselona” ham muxlislar ishonchini oqlash uchun yulduz darajasidagi o‘yinchilarni olishga majbur bo‘lmoqda. Klub moliyaviy imkoniyatidan kelib chiqib, asosan erkin agentga aylangan o‘yinchilarni olishga qaratilgan transfer siyosati o‘zini oqlamadi.

Shu bois, kataloniyaliklar Xolandni transfer qilish masalasini yana kun tartibiga qaytardi.

“Barselona” prezidenti Joan Laportaning maslahatchisi Enrik Masip klub moliyaviy holatini yaxshilashi bilan Erling Xoland transferi bo‘yicha muzokara boshlashini ta’kidladi.