Xokkey. "Humo" yana "Beybaris"ni engdi va finalga yaqinlashdi

Bugun Toshkentning “Humo” xokkey klubi Qozog‘iston Pro-ligasi yarim final bosqichi doirasida “Beybaris”ga qarshi 4-o‘yinini o‘tkazdi.

Qiziqarli va kurashlarga boy kechgan ushbu o‘yin “qanotlilar”ning 2:3 hisobida g‘alabasi bilan yakunlandi. Aytish kerakki, Toshkent klubi kechagi o‘yinda ham "Beybaris"ni xuddi shu hisobda mag‘lubiyatga uchratgan edi.

Shu tariqa "Humo" va "Beybaris" o‘rtasidagi yarim final bosqichidagi hisob hozircha 3:1 hisobida "qanotlilar"ning foydasiga hal bo‘lmoqda.

Endi “Humo” 21 mart kuni Toshkentda “Beybaris”ga qarshi navbatdagi yarim final bahsini o‘tkazadi. Ta’kidlash lozimki, navbatdagi g‘alaba "qanotlilar"ni finalga olib chiqadi!