Zarruh Adashev UFCda navbatdagi jangini o‘tkazadi. Raqib va sana ma’lum

UFCdagi Zarruh Adashevning navbatdagi raqibi va jang sanasi aniq bo‘ldi. Yurtdoshimiz 14 noyabr kuni Las-Vegasda tashkil qilinadigan, "UFC Fight night" turnirida ikkinchi jangini o‘tkazadi. Unga amerikalik Jeff Molina raqiblik qiladi.

Molina faoliyati mobaynida 10 ta jang o‘tkazgan, ularning 8 tasida g‘alaba qozongan va 2 marotaba mag‘lubiyat qayd etgan edi. Yana shuni qo‘shimcha qilish lozimki, Molinaning yurtdoshimizga qarshi jangi UFC promoushenidagi debyuti bo‘ladi.