Анелька Мбаппега

Франция терма жамоасининг собиқ ҳужумчиси Николя Анелька ПСЖ ҳужумчиси Килиан Мбаппега клубни алмаштиришга ундовчи очиқ хат юборди.

“Агар сен нуфузли совринларни ютишни истасанг, ПСЖдан кетишингга тўғри келади. ПСЖда қандай ўйнашингдан қатъи назар, сен шунчаки Лига 1 да ўйнаяпсан. Энг кучли чемпионатлар Англия ва Испанияда.

Килиан, бу сенга боғлиқ. Агар сен "Олтин тўп"ни қўлга киритмоқчи бўлсанг, энг яхшилар билан рақобатлашишинг керак. Франция чемпионати жиддий мусобақа, аммо энг қийини Англияда. Агар сен энг яхши бўлишни истасанг, унда "Челси", "Манчестер Сити", "Арсенал", "Манчестер Юнайтед" ёки "Ливерпуль"га ўт. Ёки "Реал" ва "Барcелона"дан бирига ўтиш учун Испанияга кет”, - деди Анелька.

22 ёшли Мбаппе ПСЖ сафида 2018 йилдан буён тўп суриб келмоқда. У ўтган давр мобайнида жами 171 та ўйинда майдонга тушди ва ўз ҳисобига 132 та гол ҳамда 61 та ассист ёздириб қўйди. Унинг парижликлар билан амалдаги шартномаси 2022 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар