"Арсенал" янги мавсум учун асосий либосини намойиш қилди (ФОТО)

Лондоннинг "Арсенал" клуби ўзининг инстаграмдаги расмий саҳифаси орқали янги мавсумда фойдаланадиган асосий либосини намойиш қилди.

Ушбу либос ҳам пойтахт жамоаси учун анъанавий ҳисобланган қизил ва оқ ранглардан тайёрланган. “Арсенал”нинг техник ҳамкори Германиянинг Adidas компанияси ҳисобланади.

"Канонирлар" янги либосдаги илк учрашувини 17 июль куни "Глазго Рейнжерс"га қарши ўтказади.

Микель Артета бошқарувидаги жамоа ўтган мавсум премьер-лигада 8-ўринни эгаллаган эди.