Бугун Англия суперклуби бош мураббийни истеъфога чиқариши кутиляпти

Англия Премьер-лигасида юқори ўринлар учун курашаётган “Челси” раҳбарияти кутилмаганда бош мураббий Энцо Марескани истеъфога чиқариш масаласини кўтарди.  

Истеъфо 1 январь куни содир бўлиши мумкин, деб хабар бермоқда The Guardian журналисти Алекс Крук.

Манба маълумотларига кўра, Мареска билан клуб раҳбарияти ўртасидаги муносабатлар бутунлай ёмонлашиб кетган. Бунда жамоанинг сўнгги натижалари муҳим роль ўйнаган: лондонликлар охирги 9 та ўйинда атиги 2 та ғалабага эришган, холос.

“Борнмут”га қарши учрашувдан (2:2) кейин Мареска гўё ўзини касал бўлиб қолгандек кўрсатиб, матбуот анжуманига келмаган. Аслида эса у клубдаги вазиятдан норози бўлгани учун иштирок этмасликка қарор қилган эди.

Англия Премьер-лигасида ўтказилган 19 та учрашувдан сўнг “Челси” 30 очко тўплаб, жорий турнир жадвалида бешинчи ўринни эгаллаб турибди. Лондон клуби пешқадам “Арсенал”дан 15 очко ортда қолмоқда.