"Интер" футболчиси мавсумни АПЛда давом эттириши мумкин

“Интер” ярим ҳимоячиси Матиас Весино қишки трансферлар даврида АПЛга кўчиб ўтиши мумкин.

Италиялик журналист-инсайдер Николо Скиранинг хабар беришича, 30 ёшли уругвайлик футболчига “Лестер” ва “Ньюкасл” клубларидан жиддий таклифлар бўлмоқда.

Весинонинг “Интер” билан амалдаги шартномаси 2022 йилнинг ёзига қадар имзоланган. У жорий мавсум А Серияда 12 та ўйинда майдонга тушди ва 1 та гол урди.