Жеррард Олисени "Ливерпуль"да кўришни истайди, аммо трансферга ишонмаяпти

Март ойи охирида "Ливерпуль"нинг собиқ сардори Стивен Жеррард жамоа сафида Майкл Олисе каби футболчини кўришни хоҳлашини айтганди. Унинг фикрича, франциялик вингер "қизиллар" ҳужуми учун идеал вариантлардан бири ҳисобланади.

Шу билан бирга, Жеррард вазиятга реал баҳо бермоқда. У Олисенинг ҳозирги жамоаси — "Бавария"ни тарк этиши учун деярли ҳеч қандай сабаб кўрмаётганини таъкидлади.

"Унинг "Ливерпуль"га кераклигига шубҳам йўқ. Лекин нега у "Бавария"ни тарк этиши кераклигини тушунмайман. У ерда ҳар мавсум совринлар ютиш учун ажойиб имконият бор. Менимча, "Бавария" Европанинг энг кучли клубига айланади", — деган Жеррард.

Эслатиб ўтамиз, Майкл Олисе 2024 йилдан буён Мюнхеннинг "Бавария" клуби сафида тўп суриб келмоқда ва жамоанинг муҳим футболчиларидан бирига айланган.