Klub miqyosida sovrin yutmagan murabbiy yoxud “Xo‘razqand chet elniki”

O‘zbekiston milliy terma jamoasi Fabio Kannavaro boshchiligida 2026-yilgi Jahon chempionatiga tayyorlanadi

2026-yilda bo‘lib o‘tadigan Jahon chempionatiga AQSh, Kanada va Meksika mezbonlik qiladi. Yillar davomida mundial saralash bosqichlarida omadli ishtirok eta olmagan O‘zbekiston milliy terma jamoasi bu safar o‘z orzusiga etib, kelasi yil yoz oyida bo‘lib o‘tadigan musobaqaga yo‘llanmani qo‘lga kiritdi.

Mazkur tarixiy yutuq Temur Kapadze bosh murabbiyligi davrida amalga oshirilgan bo‘lsa-da, O‘zbekiston Futbol Assotsiatsiyasi (O‘FA) hozirda uning o‘rniga tajribali xorijlik mutaxassislarni jalb qilishni rejalashtirmoqda. Oxirgi oylarda ijtimoiy tarmoqlarda germaniyalik Yoaxim Lyov, portugaliyalik Paulo Bentu, turkiyalik Fatix Terim va boshqa nomzodlar haqida mish-mishlar tarqaldi, ammo ularning hech biri tasdiqlanmadi.

So‘nggi ma’lumotlarga ko‘ra, italiyalik afsona, 2006-yilda “Oltin to‘p” sohibi bo‘lgan Fabio Kannavaro “Oq bo‘rilar” bosh murabbiyi bo‘lishi kutilmoqda. Ushbu xabar tanilgan jurnalist Fabritsio Romano tomonidan ham tasdiqlandi.

Kannavaro Osiyoda futbol sohasida katta tajribaga ega: u Xitoy va Saudiya Arabistoni klublarida ishlagan, shuningdek 2019-yilda vaqtincha Xitoy terma jamoasini boshqargan. Quyida uning murabbiylik faoliyati bo‘yicha statistik ma’lumotlar keltirilgan:

Fabio Kannavaro – bosh murabbiy sifatidagi faoliyati:

Dinamo Zagreb (Xorvatiya)
2024-yil 29 dekabr — 2025-yil 9 aprel
O‘yinlar: 14 | G‘alaba: 7 | Do‘rang: 2 | Mag‘lubiyat: 5 | O‘rtacha ochko: 1,64

Udineze (Italiya)
2024-yil 22 aprel — 2024-yil 8 iyun
O‘yinlar: 6 | G‘alaba: 2 | Do‘rang: 3 | Mag‘lubiyat: 1 | O‘rtacha ochko: 1,50

Benevento (Italiya)
2022-yil 21 sentyabr — 2023-yil 4 fevral
O‘yinlar: 17 | G‘alaba: 3 | Do‘rang: 7 | Mag‘lubiyat: 7 | O‘rtacha ochko: 0,94

Xitoy terma jamoasi (vaqtincha murabbiy)
2019-yil 10 mart — 2019-yil 28 aprel
O‘yinlar: 2 | G‘alaba: 0 | Do‘rang: 0 | Mag‘lubiyat: 2 | O‘rtacha ochko: 0,00

Guanchjou Evergrande (Xitoy)
2017-yil 9 noyabr — 2021-yil 28 sentyabr
O‘yinlar: 125 | G‘alaba: 79 | Do‘rang: 23 | Mag‘lubiyat: 23 | O‘rtacha ochko: 2,08

Tiandjin Tsyuantszyan (Xitoy)
2016-yil 1 iyul — 2017-yil 6 noyabr
O‘yinlar: 50 | G‘alaba: 26 | Do‘rang: 16 | Mag‘lubiyat: 8 | O‘rtacha ochko: 1,88

An-Nasr (Saudiya Arabistoni)
2015-yil 24 oktyabr — 2016-yil 11 fevral
O‘yinlar: 14 | G‘alaba: 6 | Do‘rang: 5 | Mag‘lubiyat: 3 | O‘rtacha ochko: 1,64

Guanchjou Evergrand  (Xitoy)
2014-yil 5 noyabr — 2015-yil 4 iyun
O‘yinlar: 22 | G‘alaba: 11 | Do‘rang: 6 | Mag‘lubiyat: 5 | O‘rtacha ochko: 1,77

Murabbiyning natijalari bilan tanishib chiqadigan bo‘lsak, u ishlagan jamoalarda biron marta sovrin yutmagan bo‘lsa-da, O‘zbekiston terma jamoasini mundialga boshlab boradi. “Horazqand chet elniki”. Davomini tushundingiz. Qiziq tomoni, Fabio ham Kapadze singari biror bir terma jamoaning bosh murabbiyi sifatida Jahon chempionatida ishtirok etmagan. Tajribali mutaxassis biz bilan ishlab tajriba orttirish baxtiga muyassar bo‘ladi. Nasib...
                                                                                                                                                                                                                                                                                                                                                                   
                                                                                                                                                                                                                                                                                                                                                       Muxammadqodir Ruzmatov