"Ливерпуль"футболчиси келажагини Жаҳон чемпионатигача ҳал қилмоқчи

"Ливерпуль" ҳимоячиси Ибраима Конате ўз келажаги Жаҳон чемпионати бошланишидан олдин аниқ бўлишини истамоқда. Бу ҳақда "L’Equipe" хабар берди.

Ҳозирча энг эҳтимолий вариант — франциялик футболчининг "Ливерпуль" билан шартномани узайтириши. Томонлар ўртасидаги музокаралар қисқа танаффусдан кейин яна қайта тикланган.

Конатенинг амалдаги шартномаси жорий мавсум сўнггигача мўлжалланган. Аввалроқ матбуотда у "Реал"га ўтишни истаётгани ва таклиф кутаётгани ҳақида хабарлар чиққан эди.

Ҳимоячи "Ливерпуль"даги бешинчи мавсумини якунламоқда. Шу вақт ичида у "қизиллар" сафида 174 та ўйинда қатнашиб, 7 та гол урган ва 4 та голли узатма берган.