"Локомотив" - "Қўқон-1912": Матнли трансляция

Ассалому алайкум, қадрли футбол ихлосмандлари! Ўзбекистон Суперлигаси 10-туридан ўрин олган "Локомотив" - "Қўқон-1912" тўқнашувига хуш келибсиз. Ўйинни сайтимиз орқали матнли кўринишда кузатиб боришингиз мумкин.

• 90+5'
  

  Учрашув якунланди. "Қўқон-1912" меҳмонда ғалаба қозонди!

• 90+3'

  Абдухолиқовнинг бош билан йўллаган зарбаси дарвозабоннинг қўлига бориб тушди.

• 90+2'
  

  Ҳужумда қўполлик ишлатган Якуба Бамбага сариқ карточка кўрсатилди.

• 90'
  

  Ўйиннинг асосий вақтига 5 дақиқа қўшиб берилди.

• 87'
  

  Азимов ўрнига Бердиев майдонга тушди. Шунингдек, Муҳаммадиев ўз ўрнини Алижоновга бўшатиб берди.

• 85'

  "Локомотив"нинг кетма-кет ҳужумлари муваффақиятсиз якунланмоқда. Бу руҳий тушкунликка сабаб бўлиши ҳеч гап эмас.

• 82'

  Қўқонликлар кам олдинга ўтмоқда. Аммо ўша қарши ҳужумлар хавф туғдира оляпти.

• 80'
  

  Жамоасининг ягона голини киритган Ҳасанов ўрнига Асадбек Собиржонов майдонга тушди.

• 77'

  Иккинчи таймда деярли тўлиқ устунлик тошкентликлар томонда бўлиб турибди.

• 75'

  Ҳозиргина майдонга тушган Бамба берган пасга шериклари ета олмади.

• 73'
  

  Қўқонликлар сафида Якуба Бамба Фарҳод Бекмуратовни алмаштирди.

• 71'
  

  Махарадзе ва Ғанихонов майдонга тушди. Улар Сидиқов ҳамда Рашидхоновни алмаштирди.

• 70'
  

  Жарима майдони яқинида рақибини йиқитган Ойбек Рустамов огоҳлантирилди.

• 67'

  Ўйин шиддатли ҳужумлар остида давом этмоқда. Фақатгина мезбонларга бироз омад етишмаяпти.

• 65'
  

  Марат Бикмаевнинг яқин масофадан йўллаган зарбасини дарвозабон қайтарди.

• 64'

  "Темирйўлчилар" ўйинни устунлик билан ўтказмоқда. Қўқонликлар қарши ҳужумда.

• 62'
  

  Тезкорлик билан қарши ҳужумга ўтган мезбонларнинг уриниши Абдухолиқов зарбаси билан якунланди. Дарвозабон ўз ўрнида.

• 61'
  

  Бекмуродовнинг зарбасидан кейин Илёсов хавфни бартараф этди.

• 59'

  Шохназар Норбековнинг ўткир бурчакдан берган зарбаси ноаниқ кетди.

• 57'

  Тўп назорати ҳамон қизиллар томонда бўлиб турибди.

• 55'

  Абдухолиқовнинг зарбаси жонли девордагилардан ўтмади. Такрорий уринишлар ҳам дарвозага қадар етиб бормади.

• 54'

  Жарима майдони остонасида Сидиқовга нисбатан қоида бузилди. Яхши стандарт вазият.

• 52'

  Иккинчи бўлимда мезбонлар нисбатан фаолроқ кўриняпти.

• 50'
  

  Садриддин Абдуллаев ўрнига Санжар Қодирқулов ўйинга қўшилди.

• 47'

  Абдухолиқовнинг ўткир бурчакдан йўллаган зарбаси дарвоза тўрига ташқи томондан тегди.

• 46'
  

  "Локо" сафида ўзгариш: Дилшод Комилов ўрнига Марат Бикмаев майдонга тушди.

• 46'
  

  Иккинчи тайм бошланди!

• 46'

  Футболчилар майдонга қайтди. 

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 44'
  

  ГОООООООООООЛ! Учрашувда ҳисоб очилди!

  Ҳасановнинг жаримадан йўллаган зарбасини Илёсов қайтара олмади.

• 43'

  Жарима майдонидан узоқ бўлмаган ҳудудда Норбеков йиқитилди. Қўқонликларда стандарт вазият.

• 41'

  Абдуллаевнинг узатмасидан кейин Туропов чалқанча турган ҳолатда зарба йўллади. Хавфли чиққан зарбага аниқлик етишмади.

• 40'

  Тўп назорати бўйича устунлик Секейра шогирдларида.

• 38'

  Иккинчи қаватдаги тўп учун курашда Абдуллаев рақибига нисбатан қоида бузди. Тўп "Қўқон-1912"га қайтариб берилади.

• 37'

  Майдон эгалари рақиб ҳимоясини енгиб ўтишда катта муаммога дуч келмоқда.

• 35'

  "Локомотив" ёрдамчи мураббийи ҳакамларга жиддий эътироз билдирди. Норсафаров уни тинчланиб олишга чақирди.

• 34'

  Аваз Маматхўжаевнинг жарима майдонига оширган тўпига шериклари ета олмади.

• 32'

  "Темирйўлчилар" майдон бўйлаб тўп назоратини амалга оширишга ҳаракат қиляпти. Аммо рақиб бунга яхшигина қаршилик кўрсатмоқда.

• 30'

  Ашурматов шогирдлари рақибни аксарият вазиятларда шошириб қўймоқда.

• 28'

  Сидиқовнинг зарбасидан кейин тўп Туроповга келиб тушди. Диёр жарима майдони ичидан зарба бера олмади.

• 26'

  Жавоҳир Илёсов совуққонлик билан ҳаракат қилиб рақиб ҳужумчисини алдади.

• 25'

  Фарҳод Бекмуратовнинг узатмасига жамоадоши ета олмади.

• 23'
  

  Туропов билан тўқнашиб кетган Ҳасановга шифокорлар ёрдами керак.

• 21'

  Бекмуратовнинг кучли зарбаси ҳимоячидан ўтмади. Тўп дарвоза томон кетаётганди.

• 20'

  Сўнгги дақиқаларда меҳмонлар нисбатан фаолроқ кўриняпти.

• 18'
  

  Шохназар Норбековнинг бирга-бир вазиятдан йўллаган зарбасини дарвозабон қайтарди.

• 17'
  

  Азимовга тиббий ёрдам кўрсатилмоқда.

• 15'
  

  Секейра шогирдлари навбатдаги бурчак зарбасидан наф чиқара олмади.

• 13'

  Абдуллаевнинг узатмасидан кейин Комилов ноаниқ зарба йўллади.

• 12'

  Жарима майдони яқинида Сидиқов йиқитилди. "Темирйўлчилар"да стандарт вазият.

• 10'
  

  Холмуҳаммедов бурчакдан тўғридан тўғри зарба берди. Илёсов яхши ҳаракат қилди.

• 9'

  Ўйин тенг курашлар остида кечмоқда. 

• 7'
  

  Жарима майдонига етказиб берилган тўпни "Локо" футболчиси дарвозага йўллади. Тўп йўлига ҳимоячилар ғов бўлди.

• 6'

  Ўйин стандарт вазиятларга бой бўлмоқда. Бу сафар "Локо" ўнг қанотдан бурчак тўпини ўйинга киритади.

• 4'

  Амоновнинг бош билан йўллаган зарбасига аниқлик етишмади.

• 3'
  

  Қўқонликлар бурчак тўпига эга бўлди. Холмуҳаммедовнинг жарима майдонига оширган тўпини Файзиев узоқлаштирди.

• 2'

  Кутилганидек, мезбонлар илк дақиқалардан тўп назоратини қўлга олишга ҳаракат қиляпти.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!