"Навбаҳор"да ишлаган машҳур мураббий "Манчестер Сити" йўқ қилинишига қарши чиқди
Ўз вақтида Наманганнинг «Навбаҳор» жамоаси бош мураббийи бўлган таниқли мутахассис Андрей Канчельскис «Евро-Футбол» интернет нашрига берган эксклюзив суҳбатида «Манчестер Сити» молиявий фэйр-плей қоидаларини бузгани учун қандай жазога лойиқ экани ҳақидаги саволга жавоб берди.
Канчельскиснинг таъкидлашича, бу масалада қарор қабул қиладиган махсус қўмиталари бор — ФИФА ва УЕФА доирасида. Унга кўра, ҳар бир мухлис ўз жамоаси манфаатидан келиб чиқиб, кескин чоралар кўрилишини исташи табиий. Бироқ у футболчиларни жазолаш тарафдори эмас.
- Футболчилар айбдор эмас, эшитинг. Ўйинчи келади, шартнома имзолайди, ўз ишини қилади. Клубнинг ички ва ташқи сиёсати бор, лекин бу футболчининг назоратида эмас. Футболчи майдонда ўз вазифасини бажаради, молиявий ишларга алоқаси йўқ. Айб раҳбариятда, қарор қабул қиладиган юқоридагиларда. Жавобгарлик улар зиммасида, - деди мураббий.
Унинг фикрича, «Манчестер Сити» футболчиларига нисбатан кескин чоралар кўриш тўғри бўлмайди, айниқса сўнгги йилларда клуб жаҳон футболида етакчи кучлардан бирига айланганини инобатга олганда.
- Титуллардан маҳрум қилиш мумкин, лекин жамоани бутунлай йўқ қилиш, қуйи дивизионларга тушириб юбориш керак эмас. Кубок ва чемпионликларини олиб қўйсинлар, лекин Премьер-лигада қолдиришсин, жамоа тарихини қайтадан бошласин. Менинг тушунчамда тўғри йўл шу, - дея таъкидлади Андрей Канчельскис.
У ўзининг «Манчестер Сити»га бўлган шахсий муносабати ҳақида ҳам тўхталиб ўтди.
- Қандай муносабатда бўлишимдан қатъи назар, «Манчестер Сити» — менинг рақибим, биз бир шаҳарда яшаганмиз. Лекин жамоани йўқ қилиш — жуда қаттиқ чора. Қайтадан тоза саҳифадан бошлашсин, совринларни эса «Ливерпуль», «Манчестер Юнайтед» ва «Эвертон»га беринг. Лекин жамоани ўлдириш — жуда кескин қарор бўлади, - деди Канчельскис.
Каннаваро Ўзбекистоннинг Жанубий Кореядан мағлубиятидан сўнг баёнот берди
ФИФА мундиалда Ўзбекистонга қарши ўйнаган терма жамоага ён босгани ошкор бўлди
Фикрлар