Ниҳоят танқидчилар ҳам Ҳусановнинг кимлигини тушуниб етди

Англия лигаси кубогини қўлга киритганидан кейин Англия кубоги ярим финалига чиққан “Манчестер Сити” яна Премьер-лигага қайтиб, мамлакат чемпионлиги учун курашни давом эттиради.

Премьер-лиганинг 32-турида Хосеп Гвардиола шогирдлари пойтахтда кучли рақиб – “Челси” меҳмони бўлади. “Манчестер Сити” чемпионликка эришиш имконини сақлаб қолиши учун бу ўйин ўта муҳим аҳамиятга эга.

“Челси” учун эса энг асосий мақсад – Европа Чемпионлар лигасининг янги мавсумига йўлланма олишдан иборат.

Нуфузли манба – cityxtra.co.uk экспертлари бўлажак учрашув олдидан “Манчестер Сити”нинг тахминий таркибини тузиб чиқди.

Жанлуижи Доннарумма

Жеймс Траффорд сўнгги кубок ўйинларида қаҳрамонона ўйин кўрсатган бўлса-да, Премьер-лигада дарвозада Жанлуиджи Доннарумма қайта асосий таркибга қайтиши кутилмоқда. Италиялик дарвозабон мавсум давомида “Олтин қўлқоп” учун курашда Давид Райяга жиддий рақобат қилмоқда ва 27 учрашувдан 11 тасида “қуруқ” ўйин қайд этган.

Матеуш Нуньеш

Матеуш Нуньеш бу мавсумда деярли барча ўйинларда иштирок этди ва “Сити” сафида 44 та ўйин ўтказди, бу унинг Манчестердаги аввалги мавсумига нисбатан бештага кўп.

Кўпчилик унинг доимий асосий таркиб футболчисига айланишига шубҳа қилган бўлса-да, Пеп Гвардиола 27 ёшли футболчининг ўйинидан мамнун бўлиши аниқ, чунки у ўз позициясида мустаҳкам ўрнашиб олди.

Абдуқодир Ҳусанов ва Марк Гехи

Англия кубоги чорак финалида “Ливерпуль”га қарши ўйинда Абдуқодир Ҳусанов ва Марк Гехи деярли хатосиз ўйнади. Буёғига Гвардиолада гол уришда қийналаётган жамоага қарши ғалабали таркибни ўзгартириш учун ҳеч қандай сабаб йўқ.

Сўнгги вақтларда Ҳусанов кўплаб мақтовларга сазовор бўлмоқда ва аввал танқид қилганлар ҳам энди нега мухлислар уни март ойининг энг яхши футболчиси, деб танлаганини тушуна бошлашди.

Гехи “Манчестер Сити”даги фаолиятини ажойиб бошлади ва шанба кунги ғалаба унинг “Ливерпуль”га қарши бешинчи кетма-кет ғалабаси бўлди. Йошко Гвардиол ва Рубен Диаш йўқлигида Гехи — Ҳусанов жуфтлиги ҳали ҳам энг кучли ҳужумчиларга ҳам хавф сола олади.

Райан Айт-Нури

Райан Айт-Нури сўнгги икки ўйинда захирада қолган бўлса-да, “Этихад”да мухлислар севимлисига айланиб улгурди. Унинг таркибга қайтиши Нико О’Рейлига ярим ҳимояда ўйнаш имконини беради ва у бу мавсумда жуда яхши ўйин кўрсатмоқда.

Жазоирлик ҳимоячи мавсум давомида жароҳатлар ва Африка миллатлар кубогида иштирок этгани сабабли барқарор ўйин амалиётига эга бўла олмади. Мавсумни муваффақиятли якунлаши унга келаси мавсумда асосий таркибда ўрнашиб олиш учун муҳим замин яратади.

Родри

Родри бу мавсумда ҳар доимгидек юқори даражада ўйнамаган бўлиши мумкин, аммо у барибир дунёдаги энг яхши таянч ярим ҳимоячилардан бири бўлиб қолмоқда.

“Сити” – “Челси”  ўртасидаги сўнгги ўйинидан бери испаниялик футболчи фақат бир марта майдонга тушмаган ва шу вақт ичида жамоа Премьер-лигада атиги бир марта мағлуб бўлган, бу унинг барқарорлигини кўрсатади.

Бернарду Силва

Жамоа сардори Бернарду Силва бу мавсумда жамоа муваффақиятида ҳал қилувчи роль ўйнади ва Премьер-лигада барча ўйинларда иштирок этди. Бу унинг Манчестердаги сўнгги мавсуми бўлиши мумкинлиги сабабли, у жамоасини яна бир чемпионликка олиб чиқиш учун бор кучини ишлатади.

Нико О’Рейли

Бернарду билан бирга Нико О’Рейли турли позицияларда барқарор ўйин кўрсатмоқда. У ярим ҳимояга жисмоний куч бағишламоқда, бу “Сити”га сўнгги икки мавсумда етишмаётган жиҳат эди.

21 ёшли футболчи бу мавсумда 14 та голли ҳужумда иштирок этган ва “Ливерпуль”га қарши ўйин унинг ҳужум ва ҳимояда қанчалик самарали эканини яна бир бор кўрсатди.

Антуан Семеньо

Антуан Семеньо “Этихад”да ажойиб ўйин кўрсатмоқда ва ўтган ҳафта ўзининг саккизинчи голи ҳамда учинчи голли узатмасини амалга оширди. У қанотдаги муаммоларни ҳал қилиб, Холандга бўлган боғлиқликни камайтирмоқда.

Семеньо “Челси”га қарши олтита ўйинда фақат бир марта гол урган, аммо ҳозирги формасини ҳисобга олганда, у бу кўрсаткични яхшилашга қодир.

Эрлинг Холанд

Эрлинг Холанд шанба куни “Сити” сафидаги 12-хет-тригини расмийлаштирди ва яна ўзининг юқори даражасини намойиш этди. У “Челси”га қарши еттита ўйинда олтита голли ҳаракатга эга ва бу рақамлар рақибга жиддий огоҳлантиришдир.

Сўнгги вақтлардаги танқидларга қарамай, Холанд ўзининг энг яхши формасига қайтишга интилади ва унинг кубокдаги ўйинига қараб, “Челси” ҳимоясини оғир 90 дақиқа кутаётгани аниқ.

Жереми Доку

Жереми Доку “Ливерпуль”га қарши ўйинда гол ёки ассист қилмаган бўлса-да, унинг ўйини “Челси”га қарши ўйин олдидан оптимизм бағишлади.

Белгиялик футболчининг тезлиги ва дриблинги рақиб ҳимоясига катта муаммолар туғдирди ва у бу сафар самарадорлик кўрсатмаган бўлса-да, ҳимояни чўзиш ва бўш ҳудудлар яратиш қобилияти “Сити” учун ҳал қилувчи аҳамиятга эга бўлиши мумкин.

Тахминий таркиб:

Доннарумма; Нуньес, Ҳусанов, Гехи, Айт-Нури; Родри, О’Рейли, Бернарду; Семеньо, Холанд, Доку

Захирадагилар:

Траффорд, Аке, Нико, Ковачич, Рейндерс, Фоден, Савиньо, Черки, Мармуш.

Англия Премьер-лигасининг 32-туридан ўрин олган “Челси” ва “Манчестер Сити” ўртасидаги учрашув 12 апрель куни Тошкент вақти билан 20:30 да бошланади.

Ҳусанов ўзидан тезкор футболчи номини айтди

Ана холос: Ҳусановга Хаби Алонсо устозлик қилиши мумкин

Европада яна Ҳусановга эътибор қаратишди

Еврокубокда ўйнайдиган клуб ўзбек футболчиси трансферини эълон қилди

Ўзбекистон: Бу галги рақиб Аргентина ва Бразилияни қўрқитган жамоа!

Ҳусанов рейтингда биринчи!