ПСЖ чаққонроқ чиқди

ПСЖ спорт директори Леонардо "Челси" ҳимоячиси Антонио Рюдигернинг агенти билан музокара ўтказган. Бу ҳақда "Bild" нашри ёзмоқда. 

Манбанинг маълум қилишича, парижликлар Рюдигерни эркин агент мақомида ўз сафига қўшиб олмоқчи. Мавсум сўнггида футболчининг "аристократлар" билан амалдаги келишуви ниҳоясига етади. 

Эслатиб ўтамиз, ҳимоячи хизматига "Реал", "Бавария" ва "Манчестер Юнайтед" жамоалари ҳам қизиқиш билдирмоқда. Жорий мавсум Антонио 15та ўйинда майдонга тушиб, 2та гол урган ва шунча голга ассистентлик қилган.