"Қайрат" — "Реал Мадрид" ўйини учун билетлар қачон сотувга чиқиши маълум бўлди.

"Қайрат" клуби Чемпионлар лигаси гуруҳ босқичидаги уй ўйинлари учун билетлар сотуви тартиби ва муддатларини эълон қилди.

"Қайрат" – "Реал Мадрид" учрашуви учун билетлар 23 сентябр куни соат 17:00 дан сотувга чиқади. Билет нархи 30 000 тенгедан (690 000 сўм) бошланади. Ҳар бир мухлис кўпи билан 2 тадан чипта сотиб олиши мумкин ва харид вақтида паспорт маълумотлари текширилади. Билетлар "Freedom Ticketon" расмий сайти орқали сотилади.

Маълумот учун, "Қайрат" ўз тарихи давомида илк бор Европа қитъасининг энг нуфузли мусобақасида қатнашмоқда.