“Реал” ҳеч ким танимаган мураббийни олиб келадиган бўлди

Футболчилар ишончини қозона олмаган Альваро Арбелоа ўрнига бош мураббий қидираётган “Реал” раҳбарияти жорий мавсум якунланганидан кейин Бундеслигадан мутахассис олиб келади.

Сўнгги маълумотларга қараганда, мадридликларга “Штутгарт” бош мураббийи Себастьян Хёнес номзоди маъқул тушган ва жамоа бошқарувига айнан у келиши кутилмоқда.

Таъкидлаш жоизки, “Реал”нинг УЕФА Чемпионлар лигасидан чиқиб кетгани ва ички чемпионатда “Барселона”дан ортда қолаётгани раҳбариятга жиддий босим ўтказмоқда. Шу сабаб янги мураббий изланяпти.

Немис мутахассиси асосий номзод сифатида қаралмоқда. Унинг ўйин услуби ва “Штутгарт”даги муваффақиятлари “Қироллик клуби” раҳбариятини ҳайратга солган.

Мутахассиснинг амалдаги шартномаси 2028 йилнинг 30 июнига қадар амал қилади. Демак, уни Мадридга олиб келиш учун муайян миқдори бадал пули талаб этилади.

Хёнес 2023 йилдан буён “Штутгарт”ни бошқариб келмоқда. Унинг қўл остида жамоа ўтган йили Германия кубогини қўлга киритган.