Мексика терма жамоаси ва “Порту” клуби ярим ҳимоячиси Хесус Текасито Корона тез орада "Севилья" сафига бориб қўшилади, дея хабар бермоқда журналист-инсайдер Фабрицио Романо.

Манбанинг хабарига кўра, яқин соатлар ичида футболчи андалусияликлар билан 2025 йилнинг ёзига қадар шартнома имзолайди.

Қайд этилишича, мексикалик футболчи шу ҳафта Испания клубида тиббий кўрикдан ўтиши керак, шундан сўнг “Севилья” футболчининг трансферини расман эълон қилади.

Эслатиб ўтамиз, Корона "Севилья"га ўтган йилнинг ёзида ўтиши мумкин эди, аммо якунда трансфер амалга ошмай қолди.

Жорий мавсумда Корона “Порту” сафида 17 та ўйинда майдонга тушиб, 1 та голли узатмани амалга оширди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар
×