SPORTS.uz Белград-2021: Ҳасанбой Дўсматовнинг мағлубияти бўйича апелляцияга қандай жавоб бўлганини биласизми?

Сербиянинг Белград шаҳрида бокс бўйича эркаклар ўртасидаги жаҳон чемпионати давом этмоқда.

Ҳасанбой Дўсматов илк босқичда қозоғистонлик Сакен Бибосиновдан енгилди ва мусобақа билан хайрлашди.

Ушбу кутилмаган натижадан сўнг Ўзбекистон терма жамоаси катта мураббийи Раҳматжон Рўзиохунов билан интервью ташкил қилдик. У Ҳасанбой Дўсматовнинг жанги ва апелляция борасида SPORTS.uz сайтига маълумот берди.

- Ҳасанбой бир неча йилдан бери профессионал боксда фаолият олиб бормоқда. Профессионал томондан ва қаттиқ ҳамда аниқ зарбани эътиборга олсак Ҳасанбой ютди.

Жангни ўрганиб чиққанимизда биринчи ва иккинчи раундда ҳам Ҳасанбой Дўсматовда 5 та зарба кўпроқ эди. Ишқибозлар, мураббийлар кўрса буни тушунади. Чунки ушбу жангни қозоғистонлик боксчи томонидан ҳам ўрганиб, кўриб чиқдик. Шунда фикримиз тўғри бўлиб чиқди.

Биз апелляция бердик. Апелляцияни кўриб чиқишди. Улар биринчи раундда Ҳасанбой ютқазганини, иккинчи раундда у ютганини айтишди. Агар жанг пайтида шу натижа эълон қилинганида, бошқача бўларди...

SPORTS.uz Белград-2021: Ҳасанбой Дўсматов мағлубиятга учради

sportsuz_asadkhuja-23

Жанг пайти иккинчи раунддан кейин Ҳасанбойга ўзини босиб ҳаракат қилиши кераклигини уқтирдим. У темпни оширишини айтди. Иккинчи раундда биз 5:0 ҳисобида ғалаба қозонганимиз қайд этилиши керак эди. Бизнинг фойдамизга 5:0 бўлмаса ҳам 3:2 ҳисоби кўрсатилганда, Ҳасанбойнинг кайфияти бошқача бўларди.

Кўпчилик интернетда ва бошқа жойларда ёзишяпти: Ҳасанбойнинг зарбалари тегмади деб. Лекин у учинчи раундда таваккал қилишни бошлади. Чунки очколар рақибга берилди. Фақат қозоғистонлик боксчини нокаут қилиши керак эди. Шу боис Дўсматов мажбур бўлди ҳар қандай ҳаракатга, - деди Раҳматжон Рўзиохунов.

Интервьюнинг тўлиқ қисмини қуйида томоша қилишингиз мумкин:

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Ахметов Kыдыргали
31/10/2021 16:17
Дурыс айтады егeр счет 1-1 болғанда Дусматов өзінің тактикасында істеп утуы мункин еди.
&
Ашуров Бахтийор
31/10/2021 17:16
Дарҳақиқат!

Минбар

Барча блоглар