Суперлига. Дербида АГМК ғалаба қозонди

Ўзбекистон Суперлигаси 10-туридан ўрин олган АГМК - "Металлург" учрашуви ниҳоясига етди. "Тошкент вилояти дербиси"да мезбонлар 2:0 ҳисобида зафар қучди.

Ўйин тақдирини олмалиқликлар ҳужумчиси Касьяннинг дубли ҳал этди. Александр 29-32 дақиқалар оралиғида икки бор Лобанов дарвозасини ишғол этди.

Шундай қилиб, дербида ғалаба қозонган олмалиқликлар очколари сонини 19 тага етказиб олди. Бекободликлар ҳисобида 15 очко мавжуд.

• Суперлига
• 10-тур

OKMK

• Александр Касьян 29', 32'

2 : 0

19/06/2021 20:00

Металлург

Стадион: ОКМК СМ, 1643 томошабин

Бош ҳакам: Аскер Нажафалиев

Батафсил

• 90+5'
  

  Учрашув якунланди. Дербида АГМКнинг қўли баланд келди.

• 90+4'
  

  Қутибоевнинг яқин масофадан берган кучли зарбасини дарвозабон қайтарди.

• 90+3'

  Фортес зарба йўллашга кечикди. Ҳимоячи улгуриб қолди.

• 90+1'

  Дамир Темировнинг зарбасига бироз аниқлик етишмади.

• 90'
  

  Ўйиннинг асосий вақтига 5 дақиқа қўшиб берилди.

• 87'

  Йўлдошев жамоасини муқаррар голдан қутқариб қолди. Бобур бош қолган дарвоза қаршисидаги Нагаевни зарарсизлантирди.

• 85'

  Тошматовнинг ерлатиб узатган тўпига шериклари ета олмади.

• 83'
  

  Шоҳрух Гадоев ўз ўрнини Элвин Фортесга бўшатиб берди.

• 82'
  

  Санжар Турсунов огоҳлантирилди. Ўйин асабий руҳда давом этмоқда.

• 80'

  АГМК деярли олдинга ўтмай қўйди. Улар куч тежамоқда.

• 77'

  Андреев Акром Комиловга нисбатан қоида бузди.

• 75'

  Тўп назорати Абдураимов шогирдлари томонда. АГМК "автобус" усулидан фойдаланяпти.

• 72'
  

   Касьян ўрнига Полвонов, Қосимов ўрнига Козак майдонга тушди.

• 70'

  Қосимов шогирдлари ҳимояда анча ишончли ҳаракат қиляпти.

• 67'

  Меҳмонларнинг кетма-кет ҳужумлари муваффақиятсиз якунланмоқда.

• 64'

  Қосимов шогирдлари яхши ҳужум ярата олди. Аммо зарба берадиган футболчи топилмади.

• 62'
  

  Дилшод Жўраев огоҳлантирилди.

• 60'

  Миржамол Қосимовнинг стандартдан йўллаган зарбасига аниқлик етишмади.

• 57'
  

  Ихтиёр Тошпўлатов ҳамда Шаҳзодбек Ғофурбеков ўрнига Дониёр Нарзуллаев ва Иван Нагаев ўйинга қўшилди.

• 55'

  Тинимсиз олдинга ўтаётган бекободликлар аниқликни йўқотиб қўймоқда.

• 53'

  Ўйин темпи бироз пасайди. Томонлар фурсат пойламоқда.

• 51'

  Амалга оширилган ўзгаришлар меҳмонлар ўйинига фаоллик киритди.

• 49'

  Иккинчи бўлимда ҳам бекободликлар фаолликни оширяпти.

• 47'

  Андреевнинг жарима майдонига оширган тўпига ҳеч ким ета олмади.

• 46'
  

  Шаҳзодбек Нурматов ва Камолиддин Тожиев ўрнига Зоҳид Абдуллаев ҳамда Саламат Қуттибоев ўйинга қўшилди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+1'
  

  Биринчи бўлимга 1 дақиқа қўшиб берилди.

• 45'
  

  Ғофурбековнинг кучли зарбасидан кейин Султонов тўпни қайтарди.

• 43'

  Сўнгги дақиқаларда бекободликлар нисбатан фаол кўриняпти. Уларга гол кўпроқ керак.

• 41'

  Андреевнинг стандартдан йўллаган зарбасига бироз аниқлик етишмади.

• 38'

  Шаҳзод Ғофурбековнинг ўткир бурчакдан йўллаган зарбасига аниқлик етишмади.

• 37'

  Сўнгги дақиқаларда меҳмонларнинг фаоллиги кўзга ташланмоқда.

• 35'

  Ғофурбеков ва Темиров томонидан йўлланган зарбаларни ҳимоячилар дарвозага қадар ўтказмади

• 34'

  Станислав Андреев фаол ҳаракатлари билан жамоасига бурчак тўпи ишлаб берди.

• 32'
  

  ГОООООООООЛ! АГМК ҳисобдаги фарқни оширди!

  Гадоевнинг зарбасидан кейин Лобанов тўпни қайтарди. Касьяннинг такрорий уриниши голга айланди.

• 31'

  Голдан руҳланган мезбонлар олдинга ўтишда давом этмоқда.

• 29'
  

  ГОООООООООЛ! АГМК ҳисобда олдинга ўтиб олди!

  Тожиевнинг хатосидан кейин Тошматов жарима майдони марказида турган Касьянга пас берди. Александр зарбада адашмади.

• 26'

  Тобора Қосимов шогирдларининг фаоллиги ошиб бормоқда.

• 24'

  Темировнинг зарбасидан кейин рекошет натижасида тўп бурчакка йўл олди.

• 22'

  Шоҳрух Гадоев аниқ пас бера олмади. Натижада тўп йўқотилди.

• 20'
  

  Жарима майдони марказига оширилган тўпни Касьянь боши билан дарвозага йўллади. Ноаниқ.

• 19'

  Аҳмадалиевнинг пасидан кейин Андреев тўпни майдон ташқарисига чиқариб юборди. АГМКда бурчак тўпни.

• 18'

  Тошматов тўпни рақибига текказиб майдон ташқарисига чиқариб юборди.

• 16'

  Марказда Тошқўзиев рақибига нисбатан қоида бузди.

• 15'

  Жарима майдонига оширилган тўпга меҳмонлар футболчиси ета олмади.

• 13'
  

  АГМК гол урди. Аммо ўйиндан ташқари ҳолат туфайли Гадоевнинг голи инобатга олинмади.

• 11'
  

  Андреевнинг бурчакдан етказиб берган тўпини ҳимоячилар узоқлаштирди.

• 9'

  Бекободликлар олдинги чизиқда катта муаммоларга дуч келяпти.

• 7'
  

  Олмалиқликлар бурчак тўпидан кейин хавфли вазият ярата олди. Гадоевнинг зарбасига аниқлик етишмади.

• 5'

  АГМК футболчилари нисбатан фаол ҳаракат қиляпти.

• 3'

  Тўп назорати илк дақиқалардан мезбонлар томонда бўлиб турибди.

• 1'
  

  Ўйин бошланди!